Бишкек, 01.10.25. /Кабар/. Финансы рыногун жөнгө салуу жана көзөмөлдөө кызматы 2025-жылдын 22-сентябрынан 26-сентябрына чейинки мөөнөткө бир нече юридикалык жактарга лицензияларды берди. Бул тууралуу мекеменин сайтында маалымдалды.
Төмөнкү компаниялар лицензия алышкан:
- «Скай Строй» ЖЧКсы — «Батир сатып ал — RAV 4 утуп» кызыктыруучу лотереясын өткөрүүгө уруксат;
- «МК Грант Ломбард» ЖЧКсы — эки өкүлчүлүк ачууга уруксат;
- «Голд-Беш Ломбард» ЖЧКсы — ломбард ишин жүргүзүүгө лицензия;
- «Инвестициялык компания Карт Бланш» ЖЧКсы — баалуу кагаздар рыногунда брокердик жана дилердик иш жүргүзүүгө лицензиялар;
- «Бвокс» ЖЧКсы — виртуалдык активдерди алмаштыруу оператору катары иштөөгө лицензия;
- «Альянс Капитал Инвестициялык Финансылык Компани» ЖЧКсы — брокердик ишмердүүлүккө жана инвестициялык активдерди ишенимдүү башкарууга лицензиялар;
- «Глобал Мани Клуб» - виртуалдык активдерди алмаштыруу оператору катары иштөөгө лицензия.
