Бишкек, 01.04.25. /Кабар/. Эртең, 2-апрелден тарта Бишкек шаарындагы Медеров көчөсүнүн дагы бир бөлүгү оңдоп-түзөө иштерине байланыштуу жабылат.
Мэриянын маалыматы боюнча, Медеров көчөсүнүн Юнусалиев көчөсүнөн Жукеев-Пудовкин көчөсүнө чейинки бөлүгү унаа кыймылы үчүн жабылат.
Баш-аягы Медеров көчөсүнүн 7-Апрель көчөсүнөн Жукеев-Пудовкин көчөсүнө чейинки бөлүгү жабык болот.
Ал эми Медеров-Юнусалиев көчөлөрүнүн кесилиши жана Медеров-Жукеев-Пудовкин көчөлөрүнүн кесилиши унаа кыймылы үчүн ачык болот.
Оңдоо иштеринен улам №212 автобустун схемасынын багыты Горький көчөсүнө чейин өзгөрөт.
Белгилей кетсек, жол оңдоо иштерин “Технотоп” ЖЧКсы подряддык уюму жүргүзөт.
