Бишкек, 17.09.25. /Кабар/. Бүгүн Ош шаарынын мэри Жеңишбек Токторбаев Европа реконструкциялоо жана өнүктүрүү банкынын (ЕРӨБ) өкүлдөрү менен Бишкек шаарында жолугушту.
Муниципалитеттен билдиришкендей, жолугушууда бир катар маанилүү маселелер талкууланды.
Тараптар Ош шаарына электробустарды алып келүү жана жаңы троллейбус линияларын куруу боюнча келишимге кол коюшту.
Ошондой эле шаардын инфраструктурасын өнүктүрүү боюнча сунуштар каралды. Атап айтканда:
- эстакадалык көпүрөлөрдү куруу;
- шаарды айланып өтүүчү жолдорду салуу;
- жылуулук ишканасынын отканаларын оңдоо;
- "Жашыл шаар" долбоорун ишке ашыруу маселелери талкууланды.
