Бишкек, 20.06.25. /Кабар/. "Кыргызстан улуттук электр тармактары" ААК республика боюнча 6 жаңы көмөк чордон куруп жатат. Бул тууралуу Энергетика министрлигинен билдиришти.
Маалыматка ылайык, 110 кВ жана 35 кВ чыңалууга ээ көмөк чордондордун курулуш иштерин жылдын аягына чейин бүткөрүү пландалууда.
Курулуп жаткан объектилер:
- Бишкек шаарындагы “Алтын-Казык” 110/10 кВ көмөк чордонуна 2-кезек куруу;
- Жалал-Абад облусунда 110/35/10 кВ “Дача” көмөк чордонун куруу;
- Баткен облусунда 110/35/10 кВ “Промышленная” көмөк чордонун куруу;
- Нарын облусунда 110/35/10 кВ “Кур Терек” көмөк чордонун куруу;
- Нарын облусунда 35/10 кВ “Талды-Суу” көмөк чордонун куруу;
- Ош облусунда 35 кВ “Абшыр” көмөк чордонун курулушу.
Ошондой эле "Ала-Тоо Резорт" долбоорунун алкагында Жыргалаң өрөөнүндө тиешелүү инфраструктура курулушун электр энергиясы менен камсыздоо үчүн 35/10 кВ көмөк чордонунун жана Бишкек шаарында 110/35/10 кВ "Мурас" көмөк чордонунун курулушу уланууда.
