Бишкек,12.02.25./Кабар/. Эми Баткенде жол инспекторлорунун жумушу боди-камералар аркылуу көзөмөлдөнөт. Бул тууралуу ЖКККББнын басма сөз кызматынан билдиришти.
Маалыматка ылайык, Баткен облустук жол кыймылынын коопсуздугун камсыздоо бөлүмүнүн шаар, райондук бөлүмдөрүнүн кызматкерлерине саптык кароо өткөзүлүп, анда кызматкерлерге күнүмдүк кызматка чыгууда ар бир кызматкердин төшүндө байкап туруучу боди-камера менен кызмат алып баруусу жана айдоочу менен болгон мамиледе, жана кызматкердин коопсуздугун карап туруучу камералар берилди.
Мындан сырткары ар бир кызматкерге жол унаа кырсыктарын алдын алуу жана болтурбоо максатында жол кыймылынын коопсуздугун камсыздоодо, кызматтык тартипти жана мыйзамдулуукту так сактоого, жарандар менен сылык мамиле кылууга нускамалар берилип, кызматкерлердин ишмердүүлүктөрү көзөмөлдөнүп турары айтылды.
