Бишкек, 02.10.25. /Кабар/. Бүгүн Экономика жана коммерция министрлигинде "Кибер кылмыштарды камсыз кылуу жана алдын алуу" темасында лекция өттү.
Ведомствонун маалыматына караганда, окуу киберкоопсуздуктун деңгээлин жогорулатуу, жарандардын жеке маалыматтарын коргоо жана маалыматтык технологияларды колдонуу менен алдамчылыктын алдын алуу максатында Ички иштер министрлигинин өкүлдөрү менен биргеликте уюштурулду.
Иш-чаранын жүрүшүндө төмөнкүдөй маселелер каралды:
- маалыматтык коопсуздук жаатындагы заманбап коркунучтар жеке маалыматтарды жана кызматтык маалыматты коргоонун практикалык ыкмалары;
- санариптик технологияларды колдонуу менен жасалган алдамчылык аракеттерин аныктоо жана бөгөт коюу механизмдери;
- кибер окуялар келип чыккан учурда укук коргоо органдары менен өз ара аракеттенүү алгоритмдери.
ИИМдин Кылмыш иликтөө башкы башкармалыгынын кызматкери Чолпон Назаркулова практикалык сунуштар тууралуу айтып, кесиптик компетенттүүлүктү жогорулатууга жана маалыматтык ресурстар менен коопсуз иштөө көндүмдөрүн калыптандырууга багытталган методикалык материалдарды берди.
Мындай дарстардын максаты маалыматтарды жана бизнес-жараяндарды коргоо үчүн, аларды азайтуу үчүн санариптик чөйрөдө коркунучтар жана ыкмалары менен кызматкерлерди тааныштыруу болуп саналат.
