Бишкек 05.06.25 /Кабар/. Бишкек шаарындагы мектептерде колдонулган батарейкаларды чогултуу боюнча экологиялык акция аяктады.
Мэриядан билдиришкендей, акция 15-апрелден 31-майга чейин өтүп, Бишкек шаарынын мэриясы, "Сенин Зарядың" компаниясы, "Тазалык" муниципалдык ишканасы жана борбор калаанын мэриясынын Билим берүү департаменти тарабынан уюштурулду.
"Тазалык" муниципалдык ишканасы борбор калаанын 64 мектебине колдонулган батарейкаларды чогултуу үчүн атайын челектерди орноткон.
Белгиленгендей, бүгүн, 5-июнда Бүткүл дүйнөлүк айлана-чөйрөнү коргоо күнүнө карата эң көп батарейка чогулткан 3 мектеп жеңүүчү деп жарыяланып, аларга заманбап балдар аянтчалары же воркаут курулат.
Долбоорлор өнөктөштөрдүн, о.э. BRK GROUP, LEVEL CONSTRUCTION жана PARTNER GROUP курулуш компанияларынын колдоосу жана каржылоосунун аркасында ишке ашырылууда.
