Бишкек, 27.08.25. /Кабар/. 30-31-август күндөрү КР президентинин колдоосунда Эгемендүүлүк күнүнүн урматына кыргыз-казак төкмө акындарынын XVIII эл аралык айтышы өтөт.
Маданият, маалымат жана жаштар саясаты министрлигинен билдиришкендей, бул ири маданий иш-чаранын алкагында Барпы Алыкуловдун 140 жылдыгы, Түмөнбай Байзаковдун 100 жылдыгы жана Рахматулла Козукеевдин 70 жылдыгы белгиленет.
Барпы Алыкуловдун 140 жылдыгы Жалал-Абад шаарындагы Барпы Алыкулов атындагы кыргыз драма театрында өтөт. Башталышы саат 12:00.
Ал эми Рахматулла Козукеевдин 70 жылдыгына арналган айтыштар 27-29-август күндөрү жер-жерлерде өткөрүлөт:
- 27-август, саат 17:00 – Токтогул шаары, Маданият үйү;
- 28-август, саат 17:00 – Аксы району, Кербен шаары, Маданият үйү;
- 29-август, саат 17:00 – Сузак району, Барпы айылы, Жони паркы.
Кирүү акысыз. Байланыш номери: 0701 11 77 19.
