Бишкек, 29.08.25. /Кабар/. Эгемендүүлүк күнүнө карата өлкө аймагында 11 энергетикалык обьект ишке кирди. Бул тууралуу Энергетика министрлигинен билдиришти.
Ведомстводон маалымдашкандай, бул обьектилер министрлер кабинети тарабынан ишке берилген 100 обьектинин катарын толуктады. Анын ичинен:
4 чакан ГЭС:
- Аксы ГЭСи – 4,75 МВт. Аксы районун, Кызыл-Көл айылында жайгашкан;
- Ысык-Ата-2 ГЭСи- 4 МВт. Ысык-Ата районунда жайгашкан;
- Боз-Учук ГЭСи – 5,5 МВт. Ак-Суу району, Жаны-Арык айылында жайгашкан;
- Кой-Суу ГЭСи – 9 МВт. Ысык-Көл району.
2 Көмүр кени:
- Кожо-Келең көмүр кени;
- Бешбурхан көмүр кени;
2 цех:
- Жалал-Абад электр тармактар ишканасына таандык трансформаторлорду оңдоо цехи;
- Ош электр тармактар ишканасына таандык “Темир-бетон буюмдарын жасоо цехи” курулду;
2 имарат:
- Араван РЭТине караштуу Чек-Абад УЭСинин кызматтык имараты;
- "Электр станциялар" ААКтын административдик имараты;
1 көмөк чордон:
- Жалал-Абад электр тармактар ишканасына таандык 110/35/10кВ “Бозбу” көмөк чордонуна
Энергетика министри Таалайбек Ибраев пайдаланууга берилген ар бир обьектини өзү текшерип чыгып, кесиптештеринин ишине ийгилик каалады.
