Бишкек, 11.12.25. /Кабар/. Кыргызстан Борбор Азиядагы демократиянын уюгу бойдон калаары талашсыз, - деди министрлер кабинетинин төрагасынын орун басары Эдил Байсалов The Liberum басылмасына берген маегинде.
Анын айтымында, Кыргызстан аймактагы эң алдыңкы шайлоо институттарын түздү жана өлкөдө парламенттик, президенттик шайлоолор ырааттуу түрдө эркин жана адилеттүү деп бааланат.
"Адамдар көбүнчө тууган, кошуна же классташ болгон чакан, ынтымактуу жамаат катары биз эч качан борборлоштурулган, автократиялык башкарууга таянбаган көчмөн мурасыбыз менен сыймыктанабыз. Эң негизгиси, Кыргызстан тар элитага гана кызмат кылган системаларды таңуулоо аракеттерине каршылык көрсөтүүнүн бай тарыхына ээ. Биздин эл өз укуктарын, ар-намысын жана демократиялык тандоосун бир нече жолу коргоп келген. Кыргызстан өз жарандары сыймыктанган, демократия адамдардын жашоосунда реалдуу жана үзгүлтүксүз жакшыртууларды камсыз кылган өлкө бойдон калууга умтулат", - деди ал.
