Бишкек, 08.07.26 /Кабар/. Эмгек, социалдык камсыздоо жана миграция министринин орун басары Муратбек Байгончоков Дүйнөлүк банктын өлкөдөгү өкүлчүлүгүнүн башчысы Хью Риделл менен жолукту.
Ведомстводон маалымдашкандай, жолугушуунун алкагында тараптар "Социалдык жардам көрсөтүү программаларын жана эмгек рыногун чыңдоо" биргелешкен долбоорунун жүрүшүн жана пландалган иш-чараларды тездетүү маселелерин талкуулашты.
"Сүйлөшүүлөрдүн жүрүшүндө долбоорду ишке ашыруунун натыйжалуулугун жогорулатуу, калкты социалдык жактан коргоо механизмдерин андан ары өнүктүрүү, иш менен камсыз кылуу саясатын өркүндөтүү жана эмгек миграциясы жаатындагы кызматташтыкты кеңейтүүгө өзгөчө көңүл бурулду", - деп айтылат маалыматта.
Жолугушуунун жыйынтыгында тараптар эки тараптуу өнөктөштүктү мындан ары да бекемдөө тууралуу макулдашты.
