Бишкек, 10.07.26. /Кабар/. Мамлекеттик салык кызматынын аймактык башкармалыктарынын кызматкерлери үчүн кесиптик квалификацияны жогорулатууга багытталган семинар өттү.
Ведомстводон маалымдашкандай, иш-чара Кыргызстанда коррупцияга каршы күрөшүү боюнча 2025-2030-жылдарга карата мамлекеттик стратегияны ишке ашыруунун алкагында уюштурулду.
"Семинардын алкагында мамлекеттик жана муниципалдык кызматкерлердин Бирдиктүү салык декларациясында көрсөткөн маалыматтарын өз убагында, сапаттуу жана тобокелдиктерге негизделген ыкма менен талдоо тартиби , маалыматтык системалар жана жеке маалыматтар менен иштөөдө коопсуздукту камсыздоо, ошондой эле кибержоопкерчиликти жогорулатууга өзгөчө көңүл бурулду", - деп айтылат маалыматта.
Ошондой эле кызматтык милдеттерди аткарууда коррупцияга каршы мыйзамдардын талаптарын туура колдонуу жана тобокелдиктердин алдын алуу.
Белгиленгендей, семинардын негизги максаты салык органдарынын кызматкерлеринин кесиптик даярдыгын жогорулатуу, маалыматтык коопсуздук маданиятын чыңдоо жана мыйзамдарга ылайык салыктык башкарууну өркүндөтүү болуп саналат.
Мамлекеттик салык кызматы кызматкерлердин квалификациясын жогорулатуу жана салык органдарынын ишинде ачык-айкындуулукту, натыйжалуулукту камсыздоо багытындагы системалуу иштерди улантарын белгилейт.
