Бишкек, 21.11.25. /Кабар/. Балбан Мээрим Жуманазарова VI Ислам шериктештиги оюндарынын жеңүүчүсү болду. Бул тууралуу Дене тарбия жана спорт мамлекеттик агенттигинен билдиришти.
Маалыматка ылайык, кыргызстандык спортчу 68 кг салмак категориясында күч сынашты. Ал алгачкы беттешинде бангладештик Халима Актерди 6:0, андан соң азербайжандык Нигар Мирзазаданы 12:1 эсеби менен жеңип, турнирдин финалына чыкты.
Чечүүчү финалдык кармашта Мээрим Жуманазарова өзбекстандык Светлана Окназарованы 11:0 эсеби менен утуп, VI Ислам шериктештиги оюндарынын жеңүүчүсү аталды.
