Бишкек, 20.07.26. /Кабар/. Чолпон-Ата шаарындагы ат майданда асфальт төшөө иштери күчөтүлгөн тартипте уланууда.
Транспорт жана коммуникациялар министрлигинин маалыматына ылайык, курулуш аянтчасында адистер күнү-түнү иштеп, объектти белгиленген мөөнөттө жана жогорку сапатта пайдаланууга берүү үчүн иштерди тынымсыз жүргүзүп жатышат.
Ошондой эле ат майдан эл аралык деңгээлдеги иш-чараларды өткөрүүгө ылайыкташтырылууда.
Учурда асфальт төшөө иштери бекитилген графикке ылайык аткарылып, курулуштун сапаты көзөмөлдө.
