Бишкек, 13.10.25. /Кабар/. Чолпон-Атада аймактык башкармалыктын жаңы административдик имараты курулууда. Бул тууралуу Курулуш, архитектура жана турак жай-коммуналдык чарба министрлигинен билдиришти
Ведомстводон маалымдашкандай, министр Нурдан Орунтаев Ысык-Көл облусуна болгон иш сапарында имараттын курулуш иштери менен таанышты.
Долбоорго ылайык, жалпы 251,91 чарчы метрди ээлеген имаратта жыйындар жана күтүү залы, архив, кабылдама, бирдиктүү терезе жана техникалык бөлмө бар. Бүгүнкү күндө курулуш иштеринин 80 пайызы бүткөрүлдү.
Министрликтен белгилешкендей, жаңы административдик имараттар мамлекеттик бюджеттен эмес, министрликтин ички ресурстары менен курулууда. Учурда өлкө боюнча ондогон жаңы административдик имараттар салынып жатат.
