Чолпон-Ата, 27.06.25. /Кабар/. Ысык-Көлдүн Чолпон-Ата шаарында “Дордой - офтальмик сервис” көз микрохирургия борборунун 30 жылдыгын утурлай өтүп жаткан эл аралык Ысык-Көл офтальмологдор конгрессинин алкагында заманбап жабдуулар көргөзмөсү ачылды.
Көргөзмөдө офтальмология жаатындагы акыркы үлгүдөгү диагностикалык жана хирургиялык жабдуулар, лазердик системалар, көз айнек жана линза технологиялары, медициналык инструменттер, дары-дармектер жана программалык камсыздоолор көрсөтүлгөн.
Иш-чаранын жүрүшүндө катышуучулар заманбап жабдууларды колдонуу ыкмалары тууралуу маалымат алып жатышат.
