Бишкек, 29.05.26. /Кабар/. Чолпон-Ата шаарында "Ысык-Көлдүн акваториясын сактоо боюнча улуттук саясат" деген темада тегерек стол өтүүдө.
Иш-чарага жаратылыш ресурстары, экология жана техникалык көзөмөл министри Акыл Токтобаев, президенттин Ысык-Көл облусундагы өкүлү Бакытбек Жетигенов, Ысык-Көл районунун акими Жапарбек Ормонов, ошондой эле мамлекеттик органдардын, илимий чөйрөнүн, туризм тармагынын өкүлдөрү, экологдор жана башкалар катышууда.
Тегерек столдун алкагында катышуучулар Ысык-Көлдүн биоартүрдүүлүгүн сактоо, пластик калдыктары менен булганууну азайтуу, тазалоочу курулмаларды модернизациялоо, ошондой эле көлдүн абалын илимий изилдөө маселелерин карап жатышат.
