Бишкек, 17.08.26. /Кабар/. Чоң-Алай районунда чычырканак өстүрүү менен алектенген дыйкандардын эмгеги үзүрүн бере баштады.
Райондук администрациядан билдиришкендей, Дароот-Коргон айылынын тургуну Алмамат Маматкожоев 2023-жылы үч сорттогу 1000 түп чычырканак отургузган.
"Быйыл көчөттөр мөмө байлап, алгачкы түшүмүн бере баштады. Чарбаны өнүктүрүү үчүн "Чоң-Алай" айыл чарба кооперативи аркылуу дыйкандарга мөмө-жемиш көчөттөрү берилүүдө"
Кооператив Айыл чарба министрлигинин "Регионалдык экономикалык өнүктүрүү" фонду аркылуу 7 жылдык мөөнөткө насыя алып, ишин кеңейтүүдө. Алынган көчөттөр кооперативдин 18 мүчөсүнө бөлүштүрүлүп берилген.
