Бишкек, 16.04.25. /Кабар/. Күн мурун Чүй облусундагы Аламүдүн районунун Ленин айылында "Жашыл планета" экологиялык акциясы болуп өттү.
Аламүдүн райондук акимчилигинен билдиришкендей, иш-чара Улуу Ата Мекендик согуштагы Улуу Жеңиштин 80 жылдык мааракесине арналып, "Евразия" автономдуу коммерциялык эмес уюму уюштурулган.
Алгач курман болгон баатырлардын мемориалына гүл коюлуп, асманга тынчтыктын символу болгон ак көгүчкөндөр учурулду. Андан соң концерттик программа тартууланып, дасторкон жайылды.
Ошондой эле иш-чаранын жүрүшүндө 150 түп роза, 30 түп ак кайың, 30 түп эмен көчөттөрү отургузулуп, айлана-чөйрөнү тазалоо иштери жүргүзүлдү.
Иш-чарага Аламүдүн райондук мамлекеттик администрациясынын башчысынын-акимдин орун басары, Достук айыл аймагынын башчысы, "Евразия" автономдуу коммерциялык эмес уюмунун башчысынын орун басары, мектеп окуучулары, айыл тургундары катышты.
