Бишкек, 08.10.25. /Кабар/. Чүйдүн Сокулук районундагы Гавриловка айылында жаңы парк курулат.
Курулуш, архитектура жана турак жай-коммуналдык чарба министрлигинен билдиришкендей, Гавриловка айыл аймагындагы 308–321-контурдагы жер тилкесин жайыт категориясынан парк зонасына трансформациялоо боюнча атайын парктын эскиздик долбоору иштелип чыкты.
Эскиздик долбоорго ылайык, паркта жашыл аймак, жөө жүрүүчү жана эс алуу аянтчалар каралган.
Долбоордун негизги максаты - жергиликтүү тургундар үчүн экологиялык жактан таза, эс алууга ылайыктуу коомдук мейкиндик түзүү.
