Бишкек, 13.11.26. /Кабар/. Чүй токой аңчылык чарбасында кыргыз-корей кызматташтыгынын алкагында заманбап көчөткананын курулушу башталды.
Жаратылыш ресурстары министрлигинен билдиришкендей, долбоор улуттук көчөтканалар системасын өнүктүрүүгө жана токойлорду калыбына келтирүүгө багытталган.
Көчөткананын пайдубалын түптөө аземине Кыргызстандын жана Корея Республикасынын тиешелүү мамлекеттик органдарынын өкүлдөрү катышты.
Иш-чарада тараптар токой чарбасындагы кызматташтыкты өнүктүрүү, тажрыйба алмашуу жана заманбап технологияларды киргизүү маселелерин талкуулашты. Ошондой эле бак-дарактар отургузулуп, курулуштун урматына капсула салынды.
Долбоордун алкагында сапаттуу көчөттөрдү өстүрүү, көчөтканалар системасынын мүмкүнчүлүктөрүн кеңейтүү жана токой экосистемаларын калыбына келтирүү пландалууда.
