Бишкек, 30.11.25. /Кабар/. Бүгүн Чүй облусунун Чүй районундагы 82 шайлоо участогунда 138 медицина кызматкери эки нөөмөт менен саат 8:00дөн 20:00гө чейин кезмет уюштурууда. Бул тууралуу президенттин Чүй облусундагы өкүлчүлүгүнөн билдиришти.
Белгиленгендей, учурда кезметтеги медайымдар добуш берүү тилкелеринде өз кызматтарын аткарышууда.
“Башкы милдет - шайлоо өнөктүгүнүн жүрүшүндө зарыл болгон алгачкы жана шашылыш медициналык жардам көрсөтүү. Жарандардын коопсуздугун камсыздоо үчүн медицина кызматкерлери ыкчам реакция кылууга даяр”, - деп айтылат маалыматта.
Эскерте кетсек, президенттин 2025-жылдын 30-сентябрындагы “КР Жогорку Кеңешинин депутаттарын мөөнөтүнөн мурда шайлоону дайындоо жөнүндө” жарлыгын аткаруу максатында ЧОЖДПБ тарабынан шайлоо учурунда медицина кызматкерлеринен нөөмөт менен кезмет уюштурууну камтыган буйругу чыгарылган.
