Бишкек, 10.10.25. /Кабар/. Чүй облусунда 30-ноябрда өтө турган Жогорку Кеңештин депутаттарын шайлоого карата укуктук окутуулар өтүүдө. Бул тууралуу облустук милициядан билдиришти.
Окутуулар "Жогорку Кеңештин депутаттарын шайлоонун өзгөчөлүктөрү жана ички иштер органдары менен шайлоо комиссияларынын өз ара аракеттенүүсүнүн алгоритми" темасында өкөрүлүүдө.
Иш-чарада ИИМдин Тергөө кызматынын башчысынын орун басары Мирбек Исагалиев, БШКнын катчысы Бакытбек Шерипбаев, Чүй ОИИББнын башчысынын соттук иштери боюнча орун басары Чынарбек Майлыбековдор сүйлөштү.
Тренингде жаңы шайлоо мыйзамдарынын өзгөчөлүктөрү, ички иштер органдарынын, шайлоо комиссияларынын жана мамлекеттик органдардын өз ара аракеттенүүсүнүн алгоритми, арыздарды кароонун тартиби, шайлоо процессине байланыштуу кылмыштарды тергөө жана укук бузууларды чечүү тактикасы талкууланды.
Тренингдин максаты - шайлоону даярдоо жана өткөрүүдө мыйзамдуулукту камсыздоо жана мыйзам бузууларды алдын алуу.
