Бишкек, 28.01.26. /Кабар/. Бүгүн Бишкекте президенттин Чүй облусундагы өкүлү Азамат Осмоновдун аймактагы ишкерлер менен жолугушуусу өттү.
Өкүлчүлүктөн билдиришкендей, тараптар Чүй облусунун экономикалык жана социалдык өнүгүү маселелерин талкуулашты.
Өкүлдүн айтымында, бул жолугушуу ишкерлердин суроо-талабына жооп болуп саналат жана мамлекеттин бизнес менен өнөктөштүк мамилелерди курууга даярдыгын чагылдырат.
Осмонов бизнес коомчулук менен болгон диалогдо аймакты өнүктүрүүнүн алты негизги багытын атады:
- "Чүй инвестиции";
- "Чүй агро";
- "Чүй туризм";
- "Жашыл Чүй";
- "Таза Чүй";
- "Заманбап Чүй".
Ар бир багыт боюнча жумушчу топтор түзүлүп, андан аркы практикалык иштерди алып баруу үчүн координаторлор дайындалды.
