Бишкек, 18.06.25. /Кабар/. 14-15-июнь күндөрү “Газпром” спорт комплексинде чир спорту боюнча Кыргызстандын чемпионаты болуп өттү.
Дене тарбия жана спорт мамлекеттик агенттигинен билдиришкендей, мелдеш өспүрүмдөр, жаштар жана чоңдор арасында өтүп, республиканын бардык аймактарынан келген спортчулар катышты. Катышуучулар жуптук, тайпалык жана жеке номерлерди аткарышты.
Жеңүүчүлөргө Спорттун олимпиадалык эмес түрлөру боюнча дирекциясы тарабынан тиешелүү даражадагы диплом жана медалдар тапшырылды.
Ошондой эле чир спорту боюнча Азия чемпионаты, “Kyrgyzztan open 2025” жана эл аралык мелдеш болуп өттү.
Мелдешке Казакстан, Өзбекстан, Швеция жана Россиядан келге спортчулар катышты.
