Бишкек, 30.09.26. /Кабар/. Жалал-Абад облусундагы Үч-Коргон ГЭСинде станциянын жабдууларын жаңылоо жана кубаттуулугун жогорулатуу иштери уланууда.
Энергетика министрлигинен билдиришкендей, учурда №2 гидроагрегатты алмаштыруу толугу менен аяктап, №1 гидроагрегатты жана өндүрүштүк инфраструктураны жаңылоо иштери жүрүп жатат. Модернизацияны 2026-жылдын аягына чейин бүтүрүү пландалууда.
Бардык иштер аяктагандан кийин станциянын кубаттуулугу 198 МВттан 216 МВтка чейин, башкача айтканда, 18 МВтка жогорулайт.
Реконструкция 2024-жылы башталган. Долбоордун алкагында №4, №3 жана №2 гидроагрегаттар жаңыланып, алардын жалпы кубаттуулугу 27 МВтка көбөйгөн.
Үч-Коргон ГЭСи Нарын дарыясында жайгашкан жана 1961-1962-жылдары ишке берилген. 60 жылдан ашуун убакыттан бери иштеп келе жаткан станциядагы азыркы реконструкция негизги жабдууларды жаңылоого багытталган ири модернизация болуп саналат.
