Бишкек 05.06.25 /Кабар/. “Кыргыз Республикасынын мамлекеттик кызмат системасынын натыйжалуулугун жогорулатуу жана бюрократиядан арылтуу боюнча кошумча чаралар жөнүндөгү” президенттин жарлыгын дыкат карап чыгып, аягына чейин чыгаруу керек. Мындай пикирин мурдагы вице-премьер-министр Аалы Карашев “Кабар” маалымат агенттигинин “Талдоо time” көрсөтүүсүндө билдирди.
Анын айтымында, буга чейин 2010-жылы да аталган маселе көтөрүлүп, ведомстволор аралык топтор түзүлүп, кайталанган текшерүүлөр үч эсеге кыскарган. Бирок, тилекке каршы маселе толугу менен чечилбей калган.
“Өлкө башчысынын чыгарган жарлыгын жеке өзүм жагымдуу кабыл алдым. Бүгүнкү күндүн эң актуалдуу маселелеринин бири. 100 пайыз колдойм. Маселени шашылбай ар тараптуу карап чыгуу керек. Маселени чечүүгө бизде саясий эрк да, шарт да бар”, - деди ал.
