Бишкек, 10.06.25. /Кабар/. Сузак районунда Арзыкулов атындагы №52 жалпы билим берүүчү жаңы мектептин курулушу аяктап калды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка караганда, долбоор 2023-жылдан бери республикалык бюджеттин эсебинен ишке ашырылууда. Объекттин тендердик баасы 139 млн сомду түзөт.
Мектеп эки кабаттуу окуу корпусу, спорттук зал жана өтмө галереядан турат. Долбоор боюнча билим берүү уясы 375 окуучуга ылайыкталган, китепкана, лаборатория, актовый зал, компьютердик класс, кыздар жана балдар үчүн өзүнчө эмгек кабинеттери каралган.
Курулуш иштери Турак жай-жарандык курулуш департаментинин көзөмөлүндө жүргүзүлүүдө.
Белгиленгендей, мектепти ушул жылы пайдаланууга берүү пландалууда.
