Бишкек, 08.06.26. /Кабар/. Быйыл Ош облусунун аймагында 46 трансформатор жаңыланат.
Ош электр тармактар ишканасынан билдиришкендей, аталган планга ылайык анын ичинен:
- 30 жаңы комплекттүү трансформатордук көмөк чордон орнотулат;
- 16 эски трансформатор жаңыларына алмаштырылат.
Жүргүзүлө турган иштердин негизги максаты - электр энергиясынын сапатын жакшыртуу, чыңалуунун туруктуулугун камсыз кылуу жана күз-кыш мезгилинде жаралышы мүмкүн болгон ашыкча жүктөмдөрдүн алдын алуу болуп саналат.
"Жаңы трансформаторлордун орнотулушу электр тармактарындагы техникалык жоготууларды кыскартууга, жаңы абоненттерди кошууга жана калкты үзгүлтүксүз электр энергиясы менен камсыздоого мүмкүнчүлүк түзөт",-деп айтылат маалыматта.
