Бишкек, 08.04.25. /Кабар/. Быйыл оңдоо жана реконструкциялоо иштеринин алкагында Чүй облусу боюнча 1 миң 810 даана темир бетон электр мамылары орнотулат. Бул тууралуу Чүй электр тармактар ишканасы билдирет.
Алсак, электр мамылары төмөнкү райондорго орнотулмакчы:
Кемин району – 152 даана;
Чүй району – 91 даана;
Ысык-Ата району – 344 даана;
Аламүдүн району – 319 даана;
Сокулук району – 235 даана;
Москва району – 347 даана;
Жайыл району – 21 даана;
Панфилов району – 301 даана.
Ишканадан белгилешкендей, оңдоо иштери 1-марттан 1-ноябрга чейин созулат.
