Бишкек, 29.04.26. /Кабар/. 2026-жылы Чүй облусунда 70 миң 602 "акылдуу" эсептегич орнотулат. Бул тууралуу Энергетика министрлигинен билдиришти.
Маалыматка ылайык, "акылдуу" эсептегичтерди орнотуу Дүйнөлүк банктын колдоосу менен ишке ашырылууда.
Эске сала кетсек, 2025-жылы Чүй облусунда 102 652 даана "акылдуу" эсептегич орнотулган. Акылдуу эсептегич орнотуу иштери төмөндөгүдөй алгылыктуу жыйынтыктарды берди:
- керектөөчүлөрдү тейлөөнүн сапаты, электр менен камсыздоонун ишенимдүүлүгү жогорулады;
- кардарлардын кайрылуулары 50 пайызга азайды;
- электр энергиянын жоготуулар 1,3 пайызга кыскарды;
- санариптештирүүнүн алкагында 47 инспектордук кызмат орду кыскарды;
- кагаз түрүндө берилчү эсеп дүмүрчөк токтотулуп, “Мой свет” мобилдик тиркемеси менен керектөөчүлөр аралыктан тейлөөгө өттү;
- кагаз дүмүрчөк колдонуу бир кыйла азайып, каржы жагынан үнөмдөлдү.
