Бишкек, 27.04.26. /Кабар/. Быйыл Базар-Коргон районунда эскирген 601 электр мамысы жаңыланат. Бул тууралуу Энергетика министрлигинен билдиришти.
Бүгүнкү күндө Базар-Коргон РЭТинин кызматкерлери тарабынан 70 жаңы электр мамысы орнотулуп, 148 трансформатор жана 550 чакырым 10-0,4 кВ аба чубалгылары техникалык тейлөөдөн өткөрүлдү.
Аткарылган бул иштер электр тармактарынын ишенимдүүлүгүн жогорулатып, авариялык өчүрүүлөрдүн санын кыскартууга, ошондой эле керектөөчүлөрдү туруктуу жана сапаттуу электр энергиясы менен камсыздоого өбөлгө түзөт.
