Бишкек, 14.05.25. /Кабар/. Быйыл Баткен облусунда 13 ири өндүрүш ишканасы пайдаланууга берилет. Бул тууралуу президенттин аймактагы өкүлчүлүгүнөн билдиришти.
Ошентип, жыл соңуна чейин пайдаланууга берүү мерчемделген өндүрүш ишканалары төмөнкүлөр:
- Кадамжай районундагы "Кожо-Кайыр-1" 300 кВт кичи ГЭСи;
- Кадамжай районунун Жеңиш айылында жайгашкан "Халмион Пром" ЖЧКсы тарабынан курулуп жаткан автогазоблок заводу;
- Кадамжай районунун Көк-Талаа айылында курулуп жаткан Кыргыз-Түрк биргелешкен мунайды кайра иштетүүчү заводу;
- Айдаркен шаарындагы таш майдалоочу жана бетон аралаштыруучу завод;
- Лейлек районунун Катраң айылындагы соода-логистикалык борбор;
- Лейлек районундагы "Сүлүктү талаа-11" көмүр кени;
- Сүлүктү шаарындагы "Адахан" көмүр кени;
- Сүлүктү шаарындагы "Мурас" көмүр кени;
- Баткен районунун Самаркандек айылындагы логистикалык борбор;
- Баткен районунун Ак-Татыр айылындагы пластикалык калдыктарды кайра иштетүүчү завод;
- Баткен районунун Самаркандек айылындагы жашылча-жемиштерди кайра иштетүүчү цех;
- Кызыл-Кыя шаарындагы шифер комбинатынын курулушу;
- Баткен шаарынын өнөр-жай зонасында жайгашкан асфальт-бетон заводу.
