Бишкек, 08.10.26. /Кабар/. Бишкек шаарында тышкы саясий ведомстволорунун тиешелүү департаменттеринин жетекчилеринин деңгээлинде Бириккен Улуттар Уюмунун Коопсуздук кеңешинин күн тартибинин маселелери боюнча кыргыз-британ консультациялары болуп өттү. Бул тууралуу ТИМден билдиришти.
Маалыматка ылайык, консультациялардын жүрүшүндө тараптар өз ара аракеттенүүнүн келечегин талкуулап, эл аралык күн тартибиндеги актуалдуу маселелер, анын ичинде Коопсуздук кеңештин ишинин артыкчылыктуу багыттары жана анын ишмердигинин айрым аспектилери боюнча пикир алмашышты.
Кыргыз Республикасынын 2027-2028-жылдарга Бириккен Улуттар Уюмунун Коопсуздук кеңешиндеги алдыдагы мүчөлүгүнө даярдык көрүү, ошондой эле Кеңештин мүчө мамлекеттери менен өз ара аракеттенүү маселелерине өзгөчө көңүл бурулду.
Консультациялардын жыйынтыгында тараптар БУУнун алкагында конструктивдүү жана мазмундуу өз ара аракеттенүүнү мындан ары да улантууга даярдыгын ырасташты.
