Бишкек, 29.09.26. /Кабар/. Борбордук шайлоо комиссиясынын өкүлдөрү Индияда шайлоону башкаруу органдарынын институционалдык потенциалын чыңдоо боюнча эл аралык семинарга катышууда.
БШКдан билдиришкендей, семинардын жүрүшүндө шайлоону башкаруу органдарынын кызматкерлеринин кесиптик даярдыгын өнүктүрүүнүн эл аралык ыкмалары, улуттук шайлоо системаларынын өзгөчөлүктөрү жана окутуунун учурдагы программалары каралууда.
Ошондой эле катышуучулар институционалдык муктаждыктарды жана кесиптик өнүгүүдөгү боштуктарды аныктап, тажрыйба алмашууда.
Иш-чаранын жыйынтыгында өлкөлөр боюнча иш пландарын иштеп чыгуу жана шайлоону башкаруу органдарынын кесиптик даярдоо системаларын өнүктүрүү боюнча кийинки кадамдарды аныктоо пландалууда.
