Бишкек, 15.09.25 /Кабар/. Бишкектин Фрунзе көчөсүндө жылуулук трассаларын жаңылоо иштери аяктап, унаа кыймылы жакынкы аралыкта жарым-жартылай жанданат.
Муниципалитеттен билдиришкендей, диаметри 700 мм болгон эски түтүктөр диаметри 900 мм жаңысына алмаштырылды. Жер казуу жана реконструкция иштеринен кийин траншея казылган бөлүктөрүнө 7 см калыңдыктагы асфальт төшөлдү.
Эске салсак, Фрунзе көчөсү 2026-жылы толук кеңейтилип, жаңы асфальт-бетон катмары төшөлө турган көчөлөрдүн тизмесине киргизилген.
