Бишкек 04.06.25 /Бишкек/. Бишкек шаарында 11-15-июнь күндөрү бир нече иш-чаралык программа менен коштолгон III Бишкек эл аралык кинофестивалы өтөт. Бул тууралуу Маданият, маалымат жана жаштар министрлигинен билдиришти.
Маалыматка ылайык, 11-июнда Т. Сатылганов атындагы Кыргыз улуттук филармониясында фестивалдын расмий ачылышы болот.
Ошондой эле эл аралык жана Борбор Азия сынакатарынын алкагында чет элдик режиссерлордун кино тасмалары көргөзүлүп, форумдар, атайын көрсөтүүлөр, мастер-класстар өткөрүлөт.
15-июнда иш-чаралар соңуна чыгып, А. Малдыбаев атындагы Кыргыз улуттук академиялык опера жана балет театрында фестивалдын жабылышы болот.
