Бишкек, 13.02.25. /Кабар/. Бишкектеги №72 мектеп-гимназиясынын 8-классынын окуучусунун өлүмү боюнча козголгон кылмыш ишин тергөө Башкы прокуратура өз көзөмөлүнө алды.
Мекемеден билдиришкендей, аталган факты боюнча Кыргыз Республикасынын Кылмыш-жаза кодексинин 130-беренесинин («Ден соолукка оор залал келтирүү») негизинде кылмыш иши козголду.
Белгилей кетсек, күн мурун ЖКнын жыйынында 2025-жылдын 21-январында Бишкек шаарынын Жал кичи районундагы №72 орто мектептин ажатканасында 2010-жылы туулган 8-класстын окуучусу Аннас Айтбаев жогорку класстын окуучулары тарабынан мектеп рэкетчилигине кабылып, сабалганы белгилүү болгон. Ал реанимацияга түшүп, 2025-жылдын 4-февралында медициналык мекемеде каза болгон.
