Бишкек, 16.04.25. /Кабар/. Күн мурун Бишкектеги №67 орто мектебинде Темиркул Үмөталиевдин ысымын ыйгарууга арналган салтанаттуу иш-чара өттү.
Муниципалитеттен билдиришкендей, иш-чарага улуу акындын үй-бүлөсү, кызы Чынара Үмөталиева, Свердлов райондук билим берүү башкармалыгынын бөлүм башчысы Ж.Абдыжапарова, Мамлекеттик тил боюнча улуттук комиссиянын бөлүм башчысы Алфия Супатаева, акын Тынчтыкбек Нурманбетов, Бишкек шаарынын райондук билим берүү башкармалыгынын адистери, кыргыз тили жана адабияты мугалимдери катышты.
Иш-чаранын катышуучулары акындын жаркын элесине арналган чакан музей жана сүрөт көргөзмөсү менен таанышып, каалоо-тилектерин айтышты.
Иш-чаранын экинчи бөлүгү кыргыз тили жана адабияты мугалимдери үчүн шаардык семинар менен уланды. Катышуучулар №67 орто мектебинин мугалимдеринин иш тажрыйбасы менен таанышып, алардын ишмердүүлүгү боюнча маанилүү маалыматтарды алышты.
