Бишкек, 22.04.25. /Кабар/. 25-26-апрель күндөрү Ш.Сыдыков атындагы спорт колледжинде жеңил атлетика боюнча эркектер жана кыз-келиндер арасында өлкө чемпионаты өтөт.
Дене тарбия жана спорт мамлекеттик агенттигинен билдиришкендей, мелдешке республиканын бардык аймактарынан келген спортчулар катышат.
Катышуучулар төмөнкү аралыктарга чуркашат:
- Эркектер: 100, 200, 400, 800, 1500, 5000 м (400 м ядро ыргытуу, бийиктикке жана узундукка секирүү, найза атуу):
- Кыз-келиндер: 100, 200 400, 800, 1500, 5000 м (400 м ядро ыргытуу, бийиктикке жана узундукка секирүү, найза атуу):
- Эстафеталык жарыштар (Mix): 200, 400 м.
Белгилей кетсек, жеңил атлетика боюнча Кыргызстандын чемпионаты Спорттун олимпиадалык түрлөрү боюнча дирекциясы тарабынан уюштурулууда.
