Бишкек, 06.07.26. /Кабар/. Бишкекте Васильевский тракт көчөсүн реконструкциялоонун III этабы башталды.
Муниципалитеттен билдиришкендей, буга чейин жолдун биринчи жана экинчи этаптары ийгиликтүү аяктап, Фучик көчөсүнөн "Манас" эл аралык аэропортуна чейинки тилкелер иретке келтирилген.
Эми 5-июлдан тартып Комсомольская көчөсүнөн Чоң Чүй каналына чейинки узундугу 7 чакырым болгон тилкеде оңдоо иштери жүрөт.
"Айдоочуларга ыңгайсыздык жаратпоо үчүн көчө толугу менен жабылбайт, унаа кыймылы эки багытта тең жолдун бир тарабы аркылуу уюштурулат", - деп айтылат маалыматта.
