Бишкек, 10.09.25 /Кабар/. Бишкек шаарында “Түрк элдеринин прикладдык искусствосунун кылымдарды карыткан салттары” V эл аралык бизнес форуму өтүүдө.
Иш-чарага мамлекеттик катчы Марат Иманкулов, Кытайдын Кыргызстандагы элчиси Лю Цзянпин, Соода-өнөр жай палатасынын президенти Темир Сариев, ТҮРКСОЙ уюмунун башкы катчысы Султан Раев, Москва шаарындагы “Атомдук тармактагы аялдар” уюмунун төрайымы — Александра Рябых жана башка көрүнүктүү ишмерлер, ишкер айымдар катышууда.
Форумдун максаты — аялдардын ишкердиктеги ордун чыңдоо, эл аралык кызматташтыкты кеңейтүү, инвестиция тартуу жана улуттук маданий мурастарды дүйнөгө таанытуу болуп саналат.
Уюштуруучулары - Кыргызстандын Аялдар конгресси, Маданият, маалымат жана жаштар саясаты министрлиги жана ТҮРКСОЙ уюуму.
Андан сырткары “Аялдар үчүн санариптик өнүктүрүү кыргыз-кытай борбору” ачылып, анын алкагында Бүткүл Кытай аялдар федерациясы тарабынан 83 компьютердин бир бөлүгү облустардагы өкүлдөргө тапшырылат.
Бул демилге аймактардагы аялдардын санариптик экономикага аралашуусуна шарт түзөт.
