Бишкек, 23.09.25. /Кабар/. Кыргызстанда заманбап бий маданиятын өнүктүрүүгө арналган эң ири эл аралык United Dance Weekend фестивалы өтөт.
Маданият министрлигинен билдиришкендей, иш-чара Бишкектеги ТЕХНОПАРКта өтөт.
United Dance Weekend фестивалынын алкагында Казакстан, Россия, Өзбекстан, Түркия, Франция, Нидерланд жана башка өлкөлөрдөн келген 10дон ашуун профессионал бийчилер жана хореографтар мастер-класстарды өткөрүп, ири баттлдарга катышат. Иш-чаранын кульминациясы — белгилүү француз DJ TellaX катышкан финалдык шоу болот.
Фестивалдын жеңүүчүлөрүнө демөөрчүлөр жана өнөктөштөр тарабынан белектер, ошондой эле Европанын алдыңкы бий лагерлерине гранттар тапшырылат.
Маалымат үчүн: United Dance Weekend таланттуу жаштар үчүн эл аралык сахнага чыгууга жол ачкан, Кыргызстанды заманбап бийдин регионалдык борбору катары тааныткан уникалдуу платформа болуп эсептелет.
