Бишкек,14.05.25. /Кабар/. Бишкекте 13-май - Түрк тилинин күнүнө карата түрк ырларынын сынагы өттү.
Сынакты Кыргызстанда 1996-жылдан бери иштеп келе жаткан Түркиянын Түрк билим борбору уюштурду.
Иш-чарага кыргыз жана түрк жарандары катышып, калыстар тобун Кыргыз-Түрк "Манас" университетинин көркөм өнөр факультетинин окутуучулары түздү.
Сынакта Назима Жумакадырова аттуу талапкер "Сил баштан" аттуу ыры менен биринчи орунду жеңип алды.
Мындан тышкары, иш-чаранын алкагында Түркияга эс алууга жолдомолор берилип, түрк тил күнү салтанаттуу белгиленди.
