Бишкек, 5.09.25 /Кабар/. 4-5-сентябрь күндөрү борбор калаада “Пенсиялык системалардын актуалдуу маселелери жана алардын майнаптуулугун жогорулатуунун жолдору” эл аралык конференциясы өттү. Бул тууралуу Социалдык фонддон билдиришти.
Иш-чараны Социалдык фонд мекемеси менен Пенсиялык жана социалдык фонддордун эл аралык ассоциациясы биргеликте өткөрүштү.
Анда аталган тармактагы артыкчылыктар, көйгөйлөр жана тажрыйбалар, жаңы идеялар жана сунуш-пикирлер айтылды.
Ошондой эле өнүгүүнүн дээрлик бардык багыттары, анын ичинен демография, социалдык камсыздандыруу системаларын каржылоо, мигранттарды пенсия менен камсыз кылуу, формалдуу эмес жумуштуулук, айыл чарбасында иштегендерди социалдык камсыздандыруу менен камтуу, пенсиялык процесстерди санариптештирүү жана автоматташтыруу маселелери каралды.
