Бишкек, 07.11.25. /Кабар/. Бишкек шаарындагы Эски аянтта Кыргызстанда тигилген кийимдердин жарманкеси өтүп жатат.
Экономика жана коммерция министрлигинен билдиришкендей, жарманке 9-ноябрга чейин уланат.
Жарандар жана шаар коноктору жарманкеге келип, ата мекендик өндүрүүчүлөрдү колдоп, алардын продукциялары менен таанышып, түздөн-түз өндүрүүчүлөрдөн жеткиликтүү баада алардын продукцияларын сатып ала алышат.
Жарманкеде жергиликтүү өндүрүүчүлөрдүн алдыңкы ишканалары өз продукцияларын — өлкөдө өндүрүлгөн сапаттуу кийимдерин жана текстиль буюмдарын сунуштоодо.
Белгилей кетсек, жарманке Экономика министрлигине караштуу "Кыргыз экспорт" борбору, Кыргыз тигүүчүлөр ассоциациясы жана Бишкек шаарынын мэриясынын колдоосу менен уюштурулду.
