Бишкек, 27.05.25. /Кабар/. Бүгүн Бишкекте кыргыз-венгер суу технологиялар форуму өттү. Ага эки өлкөнүн мамлекеттик кызматкерлери, суу ресурстары жана энергетика тармагындагы адистер, ишкерлер катышты.
Иш-чара Венгриянын Кыргызстандагы элчилигинин демилгеси менен уюштурулуп, анын алкагында бүткүл аймак үчүн эң маанилүү темалардын бирине айланган суу маселеси талкууланды.
Бүгүнкү күндө суу жөн гана табигый ресурс эмес, азык-түлүк коопсуздугунун, энергетиканын, калктын саламаттыгынын жана мамлекеттер аралык туруктуу кызматташтыктын негизи. Мындан улам форумдун катышуучулары Венгрия тараптан сунушталып жаткан жаңы технологиянын, айрыкча, иригациясы өнүгө элек аймактарда колдонууга учур келгенин билдиришти.
