Бишкек, 21.08.2025. /Кабар/. Бүгүн Бишкек шаарындагы Технопаркта кыргыз-казак жаштар форуму өтүп жатат.
Ага Кыргызстандын маданият, маалымат жана жаштар саясаты министри Мирбек Мамбеталиев, министрдин орун басары Марат Тагаев, Казакстандын маданият, маалымат министри Аида Балаева, ошондой эле эки өлкөнүн жаштары катышууда.
Форум Кыргызстан менен Казакстандын жаштарынын ортосундагы достукту жана кызматташтыкты бекемдөөгө, маалыматтык технологиялар, санариптик ишкердик жана инновациялар тармагында тажрыйба алмашууга багытталган.
Форумдун жүрүшүндө төмөнкү негизги темалар талкууланууда:
- Жаңы муундагы AI-стартаптар: идеядан тартып глобалдык рынокко чейин;
- Билим берүүдөгү жаңы чакырыктар жана EdTech-долбоорлор;
- Кыргызстан менен Казакстандын мыкты командаларынын катышуусундагы “AI NEXT” стартаптары.
Форум эки өлкөнүн жаштарына жаңы мүмкүнчүлүктөрдү ачып, келечектеги биргелешкен долбоорлорго жол ачат.
