Бишкек, 01.07.25. /Кабар/. Дене тарбия жана спорт мамлекеттик агенттигинин директору Айбек Абдымомунов Бишкек шаарында өтө турган күрөш боюнча U15 жана U20 Азия чемпионатына даярдыктарды текшерди.
Агенттиктен билдиришкендей, иш сапардын алкагында ал мелдеш өтө турган спорттук аренанын даярдык деңгээли менен таанышып чыкты. Айбек Абдымомунов объекттин техникалык камсыздалышы жана уюштуруу иштеринин графиги боюнча жыйынтыктарды белгилеп, тиешелүү тапшырмаларды берди.
Атап айтканда, ал арена, спортчулардын калыбына келүү жана машыгуу зоналары, чет элдик делегацияларды кабыл алуу боюнча логистикалык маселелерге өзгөчө көңүл бурду. Жооптуу адистердин маалыматына ылайык, негизги иштер акыркы баскычта турат жана спорттук объект белгиленген мөөнөттө толук даяр болот.
Эске салсак, күрөш боюнча Азия чемпионаты, Бишкек шаарындагы Bishkek Arena`да 5-13-июль күндөрү өтөт.
