Бишкек, 06.04.26 /Кабар/. Бишкек шаарындагы Чыгыш-5 кичи районунда жайгашкан көп кабаттуу үйдөн өрт чыкты.
Өзгөчө кырдаалдар министрлигинен билдиришкендей, өрт үйдүн 5-кабатынан чыгып, 11 адам эвакуацияланды.
Маалым болгондой, саат 15:28де өрттү өчүрүүгө 1 күжүрмөн эсеп жана автошаты тартылып, саат 15:38де дагы 6 куткаруучу жардамга келген.
Саат 16:16да тилсиз жоо толук өчүрүлгөн. Жабыркагандар катталган жок.
